AZƏRBAYCAN RESPUBLİKASININ
NAZİRLƏR KABİNETİ








       Mətbuat xidmətinin bülletenləri | 20 Iyul 2022 - 10:13   
    Ailə Məcəlləsində dəyişikliklərin tətbiqinin təmin edilməsi ilə bağlı Nazirlər Kabinetinin müvafiq qərarlarında uyğunlaşdırma aparılıb


    Nazirlər Kabinetinin 268 və 269 №-li Qərarına dair izah

    https://nk.gov.az/az/document/6255/

    https://nk.gov.az/az/document/6256/

     

    “Azərbaycan Respublikasının Ailə Məcəlləsində dəyişiklik edilməsi haqqında” 2021-ci il 27 dekabr tarixli 464-VIQD nömrəli Qanunun tətbiqinin təmin edilməsi ilə bağlı Nazirlər Kabinetinin müvafiq qərarlarında uyğunlaşdırma aparılmışdır.

    Belə ki, qeyd ediən Qanunun tətbiqi barədə Azərbaycan Respublikası Prezidentinin 2022-ci il 31 yanvar tarixli 1583 nömrəli Fərmanı ilə edilmiş dəyişikliklərdə vətəndaşlıq vəziyyəti aktlarının dövlət qeydiyyatı ilə bağlı xidmətlərin Ədliyyə nazirliyinin rayon şəhər qeydiyyat şöbələri ilə yanaşı həm də “ASAN xidmət” mərkəzlərində yerləşən qeydiyyat şöbələri tərəfindən həyata keçirilməsinə başlanılmışdır.Bunu nəzərə alaraq, qanunvericilikdəki mövcud uyğunsuzluğu aradan qaldırmaq məqsədilə Nazirlər Kabinetinin müvafiq qərarlarında mətn üzrə “rayon (şəhər)” sözləri çıxarılmışdır.

    Sözügedən Qanunla müvafiq məsələlərlə bağlı məhkəmənin qətnaməsi qanuni qüvvəyə mindikdən sonra həmin qətnamədən çıxarışın 3 gün müddətində hakim tərəfindən gücləndirilmiş elektron imza ilə təsdiqlənərək “Elektron məhkəmə” informasiya sistemi vasitəsilə Ədliyyə Nazirliyinin informasiya sisteminə ötürüldüyü, doğumun, ölümün və atalığın müəyyən edilməsinin qeydiyyatının elektron qaydada da aparılacağı, ölüm haqqında məlumatların aidiyyəti üzrə ötürülməməsinə və ya düzgün olmayan məlumatın ötürülməsinə görə müvafiq vəzifəli şəxslərin qanunla müəyyən olunmuş məsuliyyət daşıdıqları müəyyən edilmişdir.

    Habelə “vətəndaşlıq vəziyyəti aktlarının qeydlərində dəyişikliklərin, düzəlişlərin və əlavələrin edilməsi” sözləri “vətəndaşlıq vəziyyəti akt qeydlərində dəyişiklik” sözləri ilə, “vətəndaşlıq vəziyyəti aktlarının qeydləri”, vətəndaşlıq vəziyyəti aktlarının qeydi” sözləri müvafiq olaraq “vətəndaşlıq vəziyyəti akt qeydləri”, “vətəndaşlıq vəziyyəti akt qeydi” sözləri ilə əvəz edilmişdir.

    Qeyd olunan tənzimləmələrin müvafiq olaraq Nazirlər Kabinetinin Qərarlarında öz əksini tapmışdır.


     

     







    © Nazirlər Kabineti 2008 - 2018