AZƏRBAYCAN RESPUBLİKASININ
NAZİRLƏR KABİNETİ








       SƏRƏNCAMLAR | 07 Mart 2020 - 13:35   
    Koronavirus xəstəliyi ilə mübarizə aparılması üçün İran İslam Respublikasına humanitar yardımın göstərilməsi barədə


    Azərbaycan Respublikası Nazirlər Kabinetinin 2003-cü il 2 iyun tarixli 74 nömrəli qərarı ilə təsdiq edilmiş “Dövlət büdcəsinin Ehtiyat Fondunun vəsaitindən istifadə Qaydaları”nın 4-cü hissəsinə əsasən:
    1. İran İslam Respublikasında koronavirus xəstəliyi ilə mübarizə aparılması və xəstəliyin yayılmasının qarşısının alınması üçün həmin ölkəyə humanitar yardım göstərilməsi məqsədi ilə Azərbaycan Respublikasının 2020-ci ilin dövlət büdcəsində nəzərdə tutulmuş Ehtiyat Fondundan Azərbaycan Respublikasının Xarici İşlər Nazirliyinə 5 000 000 (beş milyon) ABŞ dollarının manat ekvivalenti məbləğində vəsait ayrılsın.
    2. Azərbaycan Respublikasının Maliyyə Nazirliyi bu Sərəncamın 1-ci hissəsi ilə ayrılan vəsaitin müəyyən olunmuş qaydada ödənilməsini təmin etsin.
    3. Bu Sərəncam imzalandığı gündən qüvvəyə minir.

    Azərbaycan Respublikasının Baş Naziri

    Əli Əsədov

    Bakı şəhəri, 7 mart 2020-ci il


     

     







    © Nazirlər Kabineti 2008 - 2018