Nazirlər Kabinetinin 494 №-li Qərarına dair izah
Bu Meyarlar açıq tender, ikimərhələli tender, qapalı tender və kotirovka sorğusu metodları üzrə təchizatçıların “Dövlət satınalmaları haqqında” Azərbaycan Respublikası Qanununun 23.4.1-ci və 23.4.2-ci maddələrində qeyd olunan tələblərə uyğunluğunun qiymətləndirilməsi meyarlarını (bundan sonra – Meyarlar) müəyyən edir.
Dövlət büdcəsinin vəsaitləri hesabına keçirilən satınalmalarda hüquqi şəxs və ya hüquqi şəxs yaratmadan birgə fəaliyyət aparmaq üçün hüquqi və (və ya) fiziki şəxslərin müqavilə əsasında yaratdığı müvəqqəti və ya daimi birliyi tərəfindən təqdim edilmiş təkliflərdə tərəflərdən hər biri kəmiyyət ilə ifadə olunan təcrübə və maliyyə imkanları üzrə tələblərin ən az 25 faizinə, üzvlərdən biri isə ən az 40 faizinə olmaqla tələbə bütövlükdə tam cavab verməlidir.
