Nazirlər Kabinetinin 477 nömrəli Qərarına dair izah

“Kosmik fəaliyyət haqqında” Azərbaycan Respublikasının 2023-cü il 24 iyun tarixli 927-VIQ nömrəli Qanununun tətbiq edilməsi barədə” Azərbaycan Respublikası Prezidentinin 2023-cü il 4 avqust tarixli 2291 nömrəli Fərmanının 2.1.3-cü yarımbəndinə əsasən “Kosmik fəaliyyət subyektlərinin Azərbaycan Respublikasının kosmik obyektlərinin dövlət reyestrində qeydiyyata alınmış kosmik obyektlərinin idarə edilməsinə nəzarət Qaydası” Azərbaycan Respublikası Nazirlər Kabinetinin 2023-cü il 25 dekabr tarixli 477 nömrəli Qərarı ilə təsdiq edilmişdir.

Təsdiq edilmiş Qayda ilə “Kosmik fəaliyyət haqqında” Azərbaycan Respublikası Qanununun tələbləri, o cümlədən kosmik fəaliyyətin prinsiplərinə mülkiyyət və təşkilati-hüquqi formasından asılı olmayaraq kosmik fəaliyyət subyektləri tərəfindən riayət olunmasının təmin edilməsi, Azərbaycan Respublikasının kosmik obyektlərinin dövlət reyestrində qeydiyyata alınmış kosmik obyektlərinin idarə edilməsinə nəzarət qaydası, nəzarətin nəticələrinin rəsmiləşdirilməsi və aşkar olunmuş nöqsanların aradan qaldırılması qaydası, kosmik uçuşların təhlükəsizliyinin təmin edilməsi üçün kosmik fəzada milli fəaliyyətə texniki nəzarətin həyata keçirilməsi tənzimlənir.

Həmçinin Qaydada Reyestrdə qeydiyyata alınmış kosmik obyektlərin idarə edilməsinə nəzarətin Azərbaycan Respublikasının Rəqəmsal İnkişaf və Nəqliyyat Nazirliyi tərəfindən həyata keçirildiyi də təsbit edilmişdir.