Nazirlər Kabinetinin 133 №-li Qərarına dair izah

Qərarda “Qaz təchizatı haqqında” Azərbaycan Respublikasının Qanununun 20.1-ci maddəsinə uyğun olaraq müayinə və texniki xidmətlə bağlı tələblərə riayət olunmasına monitorinqin keçirilməsinin məqsədi və subyektləri, həmin maddədə müəyyən edilmiş orqanlar tərəfindən Monitorinqlə bağlı səlahiyyət bölgüsü və Monitorinqin istiqamətləri, Qanunun 20.2-ci maddəsinə uyğun olaraq Monitorinqin keçirilməsi qaydası, müddəti, üsulu, habelə nəticələrinin rəsmiləşdirilməsi qaydası nəzərdə tutulmuşdur.

Monitorinqin keçirilməsi nəticəsində müayinə keçirilməsində və texniki xidmət işləri ilə əlaqədar istehlakçıların qaz qurğularının və balans mənsubiyyəti sərhədində yerləşən qaz xətlərinin, tüstü bacalarının, habelə havalandırma və havadəyişmə xətlərinin təhlükəsiz və etibarlı istismar olunması, onlara göstərilən xidmətlərin keyfiyyətinin daha da artırılması, Monitorinq keçirilən subyektlər tərəfindən Qanunun tələblərinə əməl olunmasına mütəmadi nəzarətin həyata keçirilməsi, qanun pozuntularının qarşısının alınması və yol verilmiş pozuntuların vaxtında aşkar edilərək aradan qaldırılması təmin ediləcək.

Monitorinq mütəmadi olaraq Energetika Nazirliyi və Fövqəladə Hallar Nazirliyi tərəfindən keçiriləcək.