Nazirlər Kabinetinin 163 №-li Qərarına dair İzah

          “Milli arxiv fondu haqqında” Azərbaycan Respublikasının Qanununda dəyişiklik edilməsi barədə” Azərbaycan Respublikasının 2022-ci il 29 iyun tarixli 574-VIQD nömrəli Qanununun tətbiqi və “Milli arxiv fondu haqqında” Azərbaycan Respublikası Qanununun tətbiq edilməsi barədə” Azərbaycan Respublikası Prezidentinin 1999-cu il 27 iyul tarixli 168 nömrəli Fərmanında dəyişiklik edilməsi haqqında” Azərbaycan Respublikası Prezidentinin 2022-ci il 18 avqust tarixli 1812 nömrəli Fərmanının 2.1.1-ci yarımbəndinin icrası məsədilə hazırlanmışdır.

          Qaydalarda arxiv fondu sənədlərinin daimi dövlət mühafizəsinə təhvil verilməsi üçün hazırlanması məqsədilə sənədlərin dəyərinin ekspertizasının keçirilməsi, ekspertizanın keçirilməsi üçün komissiyanın yaradılması, arxiv fondu sənədlərinin mühafizəyə təhvil verilməsi məqsədilə təhvil-qəbul aktının və arxiv siyahısın formalarının müəyyən edilməsi, fiziki şəxsin arxiv sənədlərinin mühafizəyə təhvil verilməsi və digər məsələlər tənzimlənir.

          Bu Qaydaların qəbul edilməsi daimi dövlət mühafizəsinə təhvil verilən Milli arxiv fondu sənədlərinin tərkibinin məzmunca yeni sənədlərlə zənginləşdirilməsinə, dövlət və qeyri-dövlət təşkilatlarının, hüquqi və fiziki şəxslərin arxiv fondu sənədlərinin daimi dövlət mühafizəsinə təhvil vermək üçün hazırlanması, təhvil verilməsi və mühafizəsi sahələrində işin səmərəli təşkilinə və bütövlükdə mədəni-tarixi irsimizin arxiv sənədlərinin etibarlı dövlət mühafizəsinin təmin edilməsinə xidmət edir.